MISTOQSIJIET KOMUNI

Hawnhekk issib sensiela ta’ mistoqsijiet u tweġibiet dwar il-proċess ta’ trasferiment minn Sptar San Luqa għal Mater Dei kif ukoll dwar is-servizzi li joffri Sptar Mater Dei. F’każ li xorta waħda tibqa’ ma ssibx it-tweġibiet li qed tfittex, tista’ tagħmel kuntatt magħna permezz ta’ l-e-mail, posta jew billi ċċempel Linja Mater Dei 158 bejn it-8am u l-4pm.

• Kif nista’ nagħmel kuntatt ma’ l-isptar?

E-mail:	mdh@gov.mt
Telefon:	2545 0000 jew Linja Mater Dei 158
Indirizz:	Sptar Mater Dei Birkirkara By-pass Birkirkara MSD 2090

• Sptar Mater Dei se jikkura wkoll il-mard tal-kanċer u l-ġilda?
  
  Bħalissa, il-kura speċjalizzata ta’ l-onkoloġija (tal-kanċer) u d-dermatoloġija (tal-ġilda) tingħata fi Sptar Boffa. Il-pjan tal-Gvern għas-settur tal-kura tas-saħħa f’pajjiżna qed iħejji biex filwaqt li dawn il-każijiet jibqgħu jingħataw il-kura meħtieġa fi sptar speċjalizzat, in-numru ta’ sodod għal dawn il-każijiet jirduppjaw minn 26 għal 60.
  
  Il-pjan hu li Sptar Boffa jibqa’ sptar speċjalizzat għall-kura ta’ l-onkoloġija u d-dermatoloġija iżda hu mistenni li jiċċaqlaq mill-bini preżenti u jitla’ minflok Sptar Zammit Clapp f’San Ġiljan. Sptar Zammit Clapp se jkun modernizzat biex jilqa’ fih is-servizz tal-kura ta’ l-onkoloġija u d-dermatoloġija u se jsir investiment ieħor qawwi biex jinxtara apparat mediku ġdid u sofistikat għal dan il-qasam speċjalizzat.
  
  Is-servizz fi Sptar Boffa se jibqa’ jinkludi wkoll l-ispinal unit u l-GU clinic.

• Veru li Sptar Zammit Clapp se jkun trasferit għal Sptar San Luqa?
  
  Sptar Mater Dei se jieħu post Sptar San Luqa bħala sptar ġenerali akut. Għalhekk Sptar Mater Dei se jikkura biss pazjenti fil-fażi akuta tal-kura meħtieġa. Fl-istess ħin, is-servizz tar-riabilitazzjoni pprovdut minn Sptar Zammit Clapp, se jiġi trasferit għal faċilita’ ġdida li se tinbena f’Ħal Luqa. In-numru ta’ sodod f’dan il-qasam se jiżdied b’kważi ħames darbiet aktar, minn 60 għal 280. Sptar Karen Grech se jospita temporanjament il-faċilita’ ta’ rijabilitazzjoni sakemm tinbena dik ġdida. B’hekk ukoll, is-servizzi tar-riabilitazzjoni jinġabru f’post wieħed b’servizz ċentralizzat għal servizz aħjar għalik.

• Għaliex m’hemmx pool f’Mater Dei?
  
  Is-servizz tal-Hydrotherapy huwa meqjus bħala parti mill-kura li tingħata fil-fażi ta’ riabilitazzjoni mhux fil-fażi akuta. Sptar Mater Dei disinjat biex joffri kura fil-fażi akuta biss u allura l-pool ma jagħmilx sens li jkun f’Mater Dei. Is-servizz se jibqa’ jingħata minn San Luqa peress li temporanjament, ir-riabilitazzjoni se tinġabar f’ċentru wieħed speċjalizzat. Se tinbena faċilita’ ġdida ta’ riabilitazzjoni li se tkun ħames darbiet akbar minn dik eżistenti.

• X’se jiġri mill-każijiet soċjali li llum hemm fi Sptar San Luqa?
  
  Parti minn Sptar Karen Grech se jintuża’ biex jilqa’ fih dawn il-każijiet soċjali temporanjament sakemm jinħolqu aktar postijiet f’residenzi oħra ta’ l-anzjani. Ġiet modernizzata Sala Jean Antide f’Ħ’Attard li diġa’ qed tilqa’ każijiet soċjali. Fl-istess ħin, il-filososfija moderna għall-kura tas-saħħa mentali ma għadiex tiffavorixxi l-istituzjonalizzazjoni tal-pazjent. Il-popolazzjoni ta’ Monte Karmeli naqset kważi bin-nofs fl-aħħar 10 snin. Qed jitwettaq ukoll pjan biex kull sena jinħolqu aktar sodod f’residenzi għall-anzjani fl-irħula. Dan kollu jfisser li n-numru ta’ sodod għall-każijiet soċjali se jiżdiedu sostanzjalment fis-snin li ġejjin.

• Fejn jinsab id-Dipartiment tal-Customer Care?
  
  Kif tidħol fil-bieb prinċipali ta’ l-isptar, ikser fuq ix-xellug u ssib id-dipartiment tal-Customer Care eżattament fl-ewwel uffiċċju. Hemm ukoll uffiċċju ieħor fid-Dipartiment ta’ l-Outpatients.
  
  Id-Dipartiment jagħti servizz kuljum bejn it-8 ta’ filgħodu u t-8 ta’ filgħaxija.

• In-numri tat-telefon se jibqgħu l-istess?
  
  Le. In-numri nbidlu. In-numri kollha ta’ Mater Dei jibdew 2545 u jkomplu bl-extension number. In-numru 2545 0000 jasal għand l-operator.
  
  Il-lista tat-telefons ta’ Sptar Mater Dei hija din.

Dipartiment	Numru
Antenatal Clinic / Gynae Outpatients	2545 4479
Blood Donation Centre (G'Mangia)	21234767 jew 22066201/2-15
Breast Care Services	2545 4433
Breastfeeding Clinic	2545 4445
Burns Unit	2545 7070
Cardiac Catheterisation Lab (Cath Lab)	2545 4667
Cardiac Critical Care Unit - CCU	2545 4690
Cardiac Critical Care Unit - CICU	2545 4620
Cardiac Lab	2545 4691
Cardiac Medical Ward	2545 4600
Cardiac Surgical Ward	2545 5480
Children's Outpatients Clinic	2545 4520
Cinical Psychologists	2545 6900
Clinical Nutrition Unit	2545 4435
Customer Care Main Office	2545 4184
Customer Care Office (Outpatients)	2545 4188
Day Care Unit	2545 7200
Delivery Suite	2545 5176
Dental Department	2545 4800
Diabetes / Endocrine	2545 4450
Disneyland	2545 4920
ECG	2545 4598
Emergency - Ambulance	112
Emergency Admission Ward 1	2545 4020
Emergency Admission Ward 2	2545 7020
Emergency Department	2545 4040
Endoscopy Unit	2545 7220
ENT Outpatients	2545 4580
ENT Ward	2545 5010
Fairyland	2545 4930
Gynae Ward	2545 5110
Hospital Administration	2545 4160
Hyperbaric Unit	2545 5269
Infectious Disease Unit	2545 6071
Institute of Health Care	2545 1030/1
Intensive Therapy Unit - ITU	2545 5400
Laboratory Services	2545 6300
Loans Section	2545 7115
Medical Imaging Department - Appointments X-Rays	2545 6749
Medical Imaging Department - Reception X-Rays	2545 6707
Medical Investigations Treatment Unit	2545 0000
Medical Out-Patients	2545 0000
Medical School	2545 1914
Medical Ward 1	2545 6010
Medical Ward 2	2545 6020
Medical Ward 3	2545 6030
Medical Ward 4	2545 6040
Medical Ward 5	2545 6050
Medical Ward 6	2545 6060
Medicines and Poisons Information Section	2545 6504
Medicines Approval Section	2545 6590
Neonatal Paediatric Intensive Care Unit - NPICU	2545 5450
Neuro Medical Ward	2545 6220
Neuro Surgical Ward	2545 6210
Obstetric Ward 1	2545 5140
Obstetric Ward 2	2545 5160
Obstetric Ward 3	2545 5162
Occupational Therapy	2545 6600
Ophthalmic Outpatients	2545 4480
Ophthalmic Ward	2545 5020
Orthopaedic Outpatients	2545 4500
Orthopaedic Ward 1	2545 5230
Orthopaedic Ward 2	2545 5220
Orthopaedic Ward 3	2545 5210
Pacemaker Clinic	2545 4484
Pain Management Unit	2545 4436/7
Parentcraft Services	2545 5123/4/5
Pastoral Services	2545 6873
Pharmaceutical Services	2545 6535
Phlebotomy / Anticoagulant Clinic (ACC)	2545 4550
Physiotherapy Department	2545 6600
Plastic Surgery	2545 7071
Post Natal Ward - Bereavement Midwife	2545 4442
Psychiatric Outpatients	2545 1580
Psychiatric Unit	2545 6910
Pulmonary Function Lab	2545 4691
Rainbow	2545 4910
Reception Main Entrance	2545 4182
Reception Outpatients Department	2545 4400
Renal Unit	2545 6080
Schedule 5 - Yellow Card	2545 1402
Social Workers	2545 5571
Speech & Language Unit	2545 6600
Stoma Care Services	2545 4431
Surgical Outpatients	2545 4560
Surgical Ward 1	2545 7040
Surgical Ward 2	2545 7010
Surgical Ward 3	2545 7050
Surgical Ward 4	2545 7020
Surgical Ward 5	2545 7030
Thalassaemia Clinic	2545 4422
Tissue Viability Unit	2545 4424
Transport Service	21224303 / 21252966
Urology Ward 1	2545 7080
Urology Ward 2	2545 7081
Wonderland	2545 0000

• Fejn irrid inċempel għat-trasport ta’ l-isptar?
  
  21224303 jew 21252966.

• Hemm canteen fl-isptar?
  
  Fi Sptar Mater Dei hemm kafetterija għall-pubbliku li tinsab fl-entratura prinċipali flimkien ma’ servizzi pubbliċi oħra bħal ħwienet u ATM. Hemm numru ta’ vending machines mifruxin ma’ l-isptar kollu. L-istaff ta’ Mater Dei għandhom ristorant separat mill-kafetterija tal-pubbliku.

• Hemm x’imkien minn fejn tista’ tixtri gazzetti, magazines u fjuri?
  
  Iva, fl-entratura ewlenija hemm dan is-servizz ukoll.

• Kif tinżamm is-sigurta` fl-isptar?
  
  Hemm sistemi sofistikati ta’ cameras tas-sigurta’ u servizz tas-sigurta’ organizzat b’diversi uffuċjali tas-sigurta’ preżenti fl-isptar.

• Hemm telefons għal pubbliku?
  
  Iva, hemm numru ta’ telefons pubbliċi li jaħdmu permezz ta’ cardphone. Dawn qegħdin fl-entratura ta’ l-isptar u fejn is-swali.

• Kif nasal l-Outpatients?

• Idħol l-isptar mill-entratura ewlenija n-naħa ta’ San Ġwann/B’Kara u idħol ġewwa mill-bieb prinċipali.
• Issib reception desk. Tista’ turi l-biljett jew l-ittra tat-tabib lir-receptionist biex jiggwidawk f’liema klinika għandek tmur. 
• Jew tista’ tmur direttament fid-Dipartiment billi tikser fuq il-lemin u ssegwi s-sinjali.

Din hija lista tal-kliniki Outpatients u fejn jinsabu fid-Dipartiment (Blokk E)

Klinika Outpatient	Sular
Diabetes Clinic	Pjan terran
Ophtalmic Clinic	Pjan terran
Paediatrics Clinic	Pjan terran
Obs & Gynae Clinic	Pjan terran
Medical Outpatient u VCC	Pjan terran / L-ewwel sular
Phlebotomy u ACC	Pjan terran
Surgical Outpatients	L-ewwel sular
Orthopaedic Outpatients	L-ewwel sular
ENT	L-ewwel sular
Cardiac Lab	L-ewwel sular
Pacemaker clinic	L-ewwel sular
EEG / EMG	L-ewwel sular
Stress ECG	L-ewwel sular
Parentcraft	L-ewwel sular

Id-Dental Clinic m’għadhiex fid-Dipartiment ta’ l-Outpatients għax tifforma parti mid-Dipartiment tad-Dentistrija. Dan jinsab fuq in-naħa ta’ wara ta’ l-isptar, jiġifieri n-naħa ta’ l-Universita’. Idħol mill-entratura tad-Day Care fejn issib receptionist desk li jiggwidawk fejn għandek tmur.  

• X’inhuma l-ħinijiet tal-ftuħ ta’ l-Outpatients?
  
  
• Mit-Tnejn sal-Ġimgha: mis-7am sas-2.30pm
• Nhar ta’ Sibt: mis-7am sas–1pm

• Min fejn nista’ niġbor il-mediċini?
  
  Jekk tiġbor il-mediċini mill-isptar, f’Mater Dei l-ispiżerija tinsab fid-Dipartiment ta’ l-Outpatients eżattament kif tidħol mill-entratura tad-dipartiment.
  
  Hemm sistema awtomatizzata biex tinqeda. Kif tasal ħu biljett minn magna appposta u stenna bil-qiegħda sakemm tgħajjatlek ir-receptionist. Din hija sistema simili bħalma tintuża f’ċertu banek u supermarkets.
  
  Kif diġa’ tħabbar, tnieda proġett pilota fejn il-pazjenti jistgħu jiġbru l-mediċini tagħhom mill-ispiżerija ta’ l-għażla tagħhom. Din l-iskema dalwaqt tiġi estiża fil-lokalitajiet kollha madwar Malta u Għawdex.

• X’inhuma l-ħinijiet tal-ftuħ ta’ l-ispiżerija ?
  
  Mit-Tnejn sal-Ġimgħa: mis-7am sas-2.30pm
  Nhar ta’ Sibt: mis-7am sas-1pm

• Hemm servizz ta’ spiżerija wara l-ħin?
  
  Iva. L-ispiżerija ta’ l-Outpatients tiftaħ 24 siegħa kuljum. Wara l-ħinijiet normali tal-ftuħ, is-servizz jista’ jintuża minn dawk il-pazjenti li jiġu rilaxxati mil-isptar u jkollhom bżonn jiġbru l-mediċina għall-ewwel tlett ijiem jew għal min ikollu bżonn jixtri xi mediċini wara l-ħin ta’ l-għeluq ta’ l-ispiżeriji privati.

• Il-mediċini li jingħataw bil-karta r-roża, safra u bajda se jibqgħu b’xejn?
  
  Iva.

• L-uffiċċju tal-karta s-safra se jitla’ Mater Dei wkoll?
  
  Dan l-uffiċċju għalissa se jibqa’ fi Sptar San Luqa.

• Iċ-chamber se jitla’ Sptar Mater Dei wkoll?
  
  Sptar Mater Dei għandu chamber ferm ikbar minn dak fi Sptar San Luqa, ħafna aktar komdu u mgħammar bl-aqwa teknoloġija.

• F’Mater Dei hemm servizz ta’ twelid taħt l-ilma?
  
  Le, dan is-servizz mhux offrut fi Sptar Mater Dei. Hemm faċilita’ ta’ ‘Hydro Bath’ li jista’ jintuza’ min-nisa tqal biex jittaffa’ l-uġiegħ fl-ewwel stadju tal-ħlas.

• X’inhi l-proċedura biex wieħed jixtri s-servizz tat-telefon, TV u internet mis-sodda?
  
  Fl-isptar issib numru ta’ ‘vending machines’ u ħwienet li jbiegħu cards apposta (simili għal cards tal-mobajl). Dawn il-cards jagħtu aċċess għas-servizzi ta’ internt, TV, radju u telefon mill-kumdita’ tas-sodda stess. Il-flus jinqatgħu awtomatikament skond l-użu ta’ dan is-servizz. Jekk ikun fadallek xi flus fil-card meta tiġi rilaxxat, tista’ titlobhom lura mill-ħwienet fejn tkun xtrajtha.

• Fejn nista’ nagħti d-demm?
  
  L-għoti tad-demm se jibqa’ jsir fil-bini eżistenti fi G’Mangia ħdejn Sptar San Luqa. Din il-faċilita’ għada kemm ġiet modernizzata skond l-għola standards internazzjonali.

• F’Mater Dei se jibqgħu jintilfu files u riżultati?
  
  Fi Sptar Mater Dei sar investiment qawwi f’sistemi ta’ teknoloġija ta’ l-informatika. Din it-teknoloġija trid twassal biex iktar ma jgħaddi żmien, l-isptar jibda juża anqas paper files. It-tagħrif mediku dwar il-pazjent jinħażen b’mod elettroniku fuq sistemi kompjuterizzati mill-aktar avvanzati. Il-bżonn li wieħed jibgħat għall-file mill-arkivji se jonqos u eventwalment jispiċċa.
  
  Ir-riżultati mil-laboratorji jintbgħatu wkoll permezz tal-kompjuter u allura r-riskji ta’ telf ta’ files jew riżultati se jonqos ħafna minħabba l-użu tat-teknoloġija.

• Hemm fejn jinżel helicopter fl-isptar?
  
  Iva.

• Hemm servizz tat-trasport pubbliku minn u lejn Mater Dei?
  
  Iva. Irreferi fis-sezzjoni Il-Gwida Tiegħek għal Sptar Mater Dei biex tara r-rotot u l-ħinijiet. Tista’ ċċemplel freephone 8007 2393 jew iżżur il-websajt www.maltatransport.com

• Fejn twaqqfek il-karozza tal-linja?
  
  Hemm tlett bus stops fl-isptar stess. Irreferi fis-sezzjoni Il-Gwida Tiegħek għal Sptar Mater Dei biex tara pjanta ta’ fejn qegħdin dawn il-waqfiet.

• Minn fejn nista’ nikri krozzi u wheelchair?
  
  Dawn jistgħu jinkrew mid-Dipartiment ta’ l-Outpatients.

• X’operazzjonijiet isiru fid-Day Surgery Unit?
  
  F’dan id-dipartiment issir kull tip ta’ operazzjoni li skond l-anestetista u l-kirurgu tkun tista’ ssir fuq bażi ta’ ġurnata waħda mingħajr mal-pazjent ikollu għalfejn jagħmel iljieli fl-isptar. Mhux kulħadd jikkwalifika għad-day surgery. Dan ma jiddependix biss mit-tip ta’ operazzjoni iżda jiddependi wkoll mill-kundizzjoni partikolari tal-pazjent.